كتير مننا بيتعرض لمواقف حرجه خصوصا مثلا لو معزومين عند حد او بناكل فى مطعم
عايزه اقولكم حاجه علشان نتعلم و نتعلم صح لازم نسأل بس نسأل فى الوقت الصح علشان
ناخد الاجابه الصح و دايما يكون عندنا الامانه فى الرد على اى سؤال علشان احنا كمان لما
نسأل نلاقى اللى يجاوبنا بامانه
تعالوا مع بعض كده نشوف بعض المسائل الحرجه اللى ممكن نتعرض لها و نلاقى لها الحل
اسماء بعض الاكلات
طريقه الاكل بالشوكه و السكينه
استعمال فوطه السفره
وقوع بعض الادوات اثناء الاكل
يله تعالوا كده واحده واحده معايانشوف ازاى حانتصرف فى كل موقف من دول
مش عيب ابدا ان احنا منعرفش اسماء الاكلات لكن العيب انى احاول اقلد و اضيف كلمات باللغه الانجليزيه و انا مش متأكده منها لان فى الوقت ده حاكون اضحوكه لازم اسال و اتعلم كتير بنسمع بعض الناس بتقول كلام غلط هو بالنسبه لهام فاكرين ان ده نوع من التحضر لكن على العكس التحضر انى افهم و اتعلم علشان اتقدم.
فوطه السفره مش المفروض ابدا اننا نعلقها فى رقبتنا (للاطفال بس)اما على طرف الترابيزه او على رجلينا
و لازم ناخد بالنا ان فيه فوطه للاكل و فيه فوطه للفاكهه
و بالنسبه لوقوع بعض ادوات الاكل اوعى تجيبها و تاكل بيها تانى ممكن نشيلها ده من الادب و بادب اطلب واحده تانيه.
و اخر حاجه بقى زى ما دايما بنقول العلم بالشىء و لا الجهل بيه لازم نتعلم ازاى ناكل بالشوكه و السكينه علشان لما نتعرض لاى موقف نبقى نواجهه.
انتظروا المزيدانشاء الله