يله نبدأ من جديد

اعذرونى للغيبه الطويله و لكن زى كل الناس فى الفتره السابقه كان يسيطر علينا مشاعر جديده و متضاربه و حاجه جديده جميله و حلوه قوى اول مره تمر علينا و لكن
ماذا بعد ؟
حبيت اشارككم الوضع اللى كلنا فيه و اللى بنحلم نغير و كل واحد فينا عنده احلام اكيد تختلف كتير عن قبل يوم 25
بس الاساس ان احنا لازم نغير من نفسنا قبل ما نحلم نغير الغير
بسم الله الرحمن الرحيم
ان الله لايغير ما بقوم حتى يغيروا ما بانفسهم
ابدا بنفسك حاجات بسيطه قوى ممكن نعملها تغير كتير ما تستسلمش ابدا للغلط زى دفع الرشوه ما هو ده اساس الفساد
لما يكون فى ايدك ورقه اوعى ترميها و تقول يعنى هى جت عليا
ما هو لو كل واحد شال الورقه و حطها فى مكانها مش حنلاقى مناظر الزباله اللى بشوفها
نعلم ولادنا الصح هما دول البركه و القوه اللى هانتسند عليهم
نزرع فيهم حب الخير و حب بلادنا و الانتماء
اشتغل و ادى الشغل حقه و ما قولش
على قد فلوسهم
و اعمل زى ما رسولنا الكريم قال لنا من راى منكم منكرا فليغيره و بقيه الحديث طبعا عارفينه
اساعد وقت مالاقى حد محتاج مساعده
ارجع الذوق و احترام الكبار زى زمان
احترم الصغار علشان يحترمونى
و اكيد واحده واحده حياتنا و حياه ولادنا حاتتغير بينا و بيهم و اكيد اكيد من يتق الله يجعل له مخرجا
كل ثوره و احنا بنتق الله فى عملنا و تعاملاتنا
كل سنه و انتم طيبين

والله معك حق بتشكرك على الموضوع كتيرررررررررر