الزمالك يفتح باب التبرعات أمام جماهيره

[size=18]

الزمالك يفتح باب التبرعات أمام جماهيره Pic_7024

أعلن جلال إبراهيم رئيس الزمالك فتح حساب بنكي للتبرع لصالح النادي، للمساهمة في حل الأزمة المالية التي تمر بها القلعة البيضاء.

وقال إبراهيم عبر قناة مودرن سبورت مساء السبت: "ندرس فتح الحساب خلال الاسبوع الجاري حتى يرسل بمحبي النادي دعمهم المالي لنا".
وتابع "أفضل ما في هذا الإجراء هو أن البنك سيشرف على العملية بشكل كامل، وبالتالي لن تكون هناك أي شبهات حول النادي أو مجلس الإدارة".
ويعاني الزمالك من ضائقة مالية كبيرة، خاصة بعد رحيل مجلس الإدارة المنتخب برئاسة ممدوح عباس.
وكان جلال إبراهيم قد صرح في أكثر من مناسبة بأنه يتمنى تلقي دعما ماليا من عباس ومحبي الزمالك لإنعاش خزينة النادي الخاوية.
ولاقت تصريحات جلال إبراهيم صدى سلبيا من بعض وسائل الإعلام، ورد عليهم رئيس الزمالك "هؤلاء من الصغائر ولن أرد عليهم".
مستحقات الحضري
إلى ذلك، أوضح جلال إبراهيم موقف الزمالك من الـ100 ألف دولار المستحقة ضد حارس مرمى الفريق عصام الحضري.
وقال إبراهيم: "لسنا مسؤولين عن الغرامة الموقعة على الحضري من قبل المحكمة الرياضية، ولا يوجد ورقة واحدة تطالب الزمالك بسداد المبلغ".
واستطرد "الورقة التي تلزم الزمالك بدفع 100 ألف دولار لم تقيد في أي محضر من جلسات مجلس الإدارة الماضية، وبالتالي غير ملزمة لنا".

ده مش بس كدا ده كمان قدم طلب لوزارة الشئون الاجتماعية عشان تلمله تبرعات ده مش بعيد نلقيهم قدام السيد البدوى لا حول ولا قوة الا بالله يلا يا جماعة اتبرعوا ولو بجنيه

يا حراااااااااااااااااام
خلاص يا شوشو حنتبرع وانا اول جنيه يلا يا جماعه اتبرعوووووووووووووووووووووووووا

اتبرع ولو بجنيه اتبرع باللى تقدر عليه انا سمعت انهم هيبعتو مندوب قدام جامع منشا يا جماعه اتبرعو عشان الناس مزنوقه اوى

طب كويس على كده حيلمو فلوس كتير تفك زنقتهم واكتر كمان

عادى يا بابا انتا وهيا هوا مش اوى نادى يحصله كده الميلان واياكس برضو اتعرضول لنفس المشكله وبعدين انتو متغاظين ليه المهم الى بيتعمل فى المعلب وماتش الاسماعيلى ده دليل واستنونا يوم راس السنه

لو علىماتش الاسماعيلى لا بجد عندك حق مؤمن ماتش كان تحفة اول مرة من زمان اشوف الزمالك كدا جون تسلل روعة خلاكم تفوزا هو فيه اجمل من كدا لا وعلى قلب الاسماعيلى زى العسل ولاد عم بأة تقولوا ايه لا بجد ماتش ولا اروع

ايه ياعم مؤمن انت داخل علينا جامد ليه كده مفيش حاجه اصلا دا خبر وانا حطيته مفيش حاجه لما الزمالك يشحت ولا هو اخر ولا اول نادى يشحت طيب الاسماعيلى كمان دلوقتى انا سمعت خبر امبارح انه برضو هيشحت هتبقى انتو وولاد عمكم عند جامع واحد

يا جماعه المفروض اسلوب الحوار يبقى احسن من كده شويه المفروض انى احنا ناس كبيره
مش هيا وهو اظن انى كل واحد ليه اسم

ايوا طبعا يا فاطمة المفروض اسلوب الحوار يبقى احسن من كدا
كل واحد يقول رايه باحترام ولو بيتعارض مع عضو
يقول العضو رايه بطريقه كويسه بعيدا عن التعصب الزايد عن حده
احنا مش داخلين نتعارك

قولو لنفسكو انتو هتخنقونى ليه

كل دا علشان حتة كورة مع احترمى للجميع يعنى
احنا نحرق دمنا وهما يقبضوا فلوس اد كده
و نتعصب علشان حاجة مش هتقدمنا ولا هتاخرنا
مجرد لعبة يعنى تسلية فيها فوز و خسارة عادى يعنى
زى اى حاجة فالدنيا
بجد الموضوع مش مستاهل نهــــائى

وشكرا لكاتب الموضوع برضة

قولو لنفسكو انتو هتخنقونى ليه

ما شاء الله على الرد
رد فى غاية الذوق والاحترام
فعلا زى متعلمنا من درس الكلام والصمت كلام كل شخص بيوضح شخصيته

والله انا ما كان قصدى حاجه بس مؤمن معرفش ليه متعصب قوى مفيش حاجه تخلى الواحد يزعل كده عادى يا جماعه لكل واحد رايه بس مش لدرجه اننا نتخانق بس لكم ارائكم ولى ارائى بس

عندك حق ياعبير كلام كل شخص بيوضح شخصيته

فعلا عندك حق يا بيرو
ولانسان المحترم بيبقى بيحترم نفسه قبل ما يحترم الناس