الخواجة بيچو وأبو لمعة الأصلي

------------------

ممكن أوجِّه الكلام لأي واحد
دون أن أذكر اسمه

وأجعله يشعر أن الكلام عليه ؟

يحدث ذلك عندما أكون عارفا إمكانياتي وقدراتي
ومُلِمَّاً بأدواتي التي تجعلني أستطيع التعبير عن ذلك بكل طلاقة
وأعرف كيف أستخدمها بإسلوب علمي وطريقة صحيحة

عايزين نتعلم الوضوح والصدق مع النفس
في عرض أفكارنا بموضوعية
وبكل ذكاء وليس بخبث أو لؤم

عايزين نتعلم الذكاء وننميه حتى ولو بالألعاب
وليس بحك ظهورنا بالتمرغ في التراب
وليس لأفكارنا الهباب بتسويد عيشتنا
أكتر من السواد إللي إحنا فيه

عايزين ألعابنا تجعلنا نفكر في عمل مفيد لا في انتقاد الناس
أو إضاعة الوقت والإسراف في الهيافة
والبعد عن تشغيل آلة الإبداع
ثم نعود فلا نلوم أنفسنا ولكن نلوم الزمن
ونبكي علي اللي كان ف إيدنا وطار
بلاش علي اللبن المسكوب لأنني زهقت من هذه الجملة
لأننا بهذه الصورة لن نجد منه حتي اسمه

عايزين نتعلم النقد الذاتي والموضوعي
بالأسلوب العلمي ونتناوله بطريقة صحيحة

ونقول رأينا بكل صراحة وصدق دون لف أو دوران
حتى لا نتعب أنفسنا ونتعب الآخرين
فهناك فارق كبير بين الصراحة والجلـْـيَطة

عايزين نتعلم كيف نقول للخطأ خطا و للصح صح
عايزين نتعلم كيفية الرد علي الآخرين
دون أن نجرحهم أو نسيء إليهم أو نقلل من شأنهم

عايزين نتعلم كيف نتقبل نقد الآخرين وتوجيههم لنا
حتي نعدل من حالنا أو نصلحه أو نغير ما بأنفسنا
دون غضب أو تعالي علي من هم أعلم منا
أو أعلي ثقافة وعلما
ونرد علي الرأي برأي آخر
ونرد علي من يخالفنا بأدب واحترام
فزينة الرجال الأدب
طبعا زينة النساء معروفة

عايزين نتعلم كيف يكون الرد علي شخص
الرد يا جماعة وليس الرد مع حذف الحاء

عندما يعرف كل منا كيف يختار كلامه بوضوح
ويبقي شاطر حقيقي ويفهم حقيقي
ويعرف يكتب صح ويقرأ صح ويتهجى صح
ويعرف يعبر عن رأيه صح
و يؤدي ما عليه صح
ويعرف إمكانياته وحدوده وحجمه صح
ساعتها يمكن له أن يقدِّر المواقف صح
ولا يقول أي كلام في أي حاجة
ويبقي عارف أيه إللي ممكن يُقال واللي مش ممكن
وساعتها نحس إنه بيفهم قوي
ونحس إنه شاطر قوي وذكي خالص
وإنه بيعرف يرد بجد مش بيرد مع حذف الحاء

لأنه لا يردد أو يقلد كلام الناس
الذي قيل في موقف معين
ويكرره في كل المواقف بلا تمييز أو تفكير
ويظل يكرره عمَّال مع بطـَّال
فيشبه الببغاء - ويا ليته - أو الغراب أو الحداية
أو الأرنب أبو رجل مسلوخة
و يعتقد إنه الزناتي خليفة أو الشاطر حسن
أو الدكتور شديد أو الخواجة بيچو
وهو حتي ما حصَّـلـْـش أبو لمعة الأصلي

مشكوووووووووووووووووور جدااااااااا استاذ فهمى
على الاضافة الجميلة
الخواجة بيچو وأبو لمعة الأصلي 8450

وفعلا بجد حنا نفسنا نتقدم عن اللى احنا فيه
ونفيد ونستفيد
نتعلم الرد بإسلوب راقي لا يخدش حياء احد
والكلام دة لو اتحقق حنبقى كدة عملنا اللى ما اتعملش
واوعى اى شخص ينسي إن من بنود رساله البيضا الثانوية

*
اكتشاف الموهوبين والفائقين وتنمية قدراتهم علي الابتكار

بناء شخصية عصرية متكاملة , تلتزم بقيم الدين والمجتمع , وتتفاعل مع
مستجدات العصر

* تشجيع الطلاب علي التعلم الذاتي

لازم نحافظ على اسم المنتدى والمدرسة وتحافظ على اسمك
ولكن بالحواااااااااااااااااار بالإحترااااااااام

اة والله يا استاذ فهمى حضرتك بتنبهنا لحاجات مهمة مش بنكون وخدين بالنا منها شكرا ع الاضافة

مشكور استاذ فهمى على توجية حضرتك الدائم لينا
لكن انا نزلت اللعبة دى علشان كان فى ناس كتير عاوزة تتوجة بس
وتنتبهم لطريقة الكلام
لكن مش الكل بيقبل كلام الغير علشان كدا قولت الكلام يبئا بطريقة غير مباشرة
ومكنتش اقصد الخبث واللقم بالطريقة اللى اتفهمت
بس عموما حصل خير

اه يا هالة احنا كنا فاهمين انتى عايزة ايه
وثانيا غيرتى صورتك ليه
دى كانت جميلة اووووووووووووووووى
ياريت تحطيها تانى

انا الى حكمت عليها انها تغير الصوره يا بيرو
يلا انتى كمان غيرى الصوره

------------------

الشبح الرايق كتب:: مشكوووووووووووووووووور جدااااااااا استاذ فهمى
على الاضافة الجميلة

وفعلا بجد حنا نفسنا نتقدم عن اللى احنا فيه
ونفيد ونستفيد
نتعلم الرد بإسلوب راقي لا يخدش حياء احد
والكلام دة لو اتحقق حنبقى كدة عملنا اللى ما اتعملش
واوعى اى شخص ينسي إن من بنود رساله البيضا الثانوية

يالا ياشبح يارايق أتقدم براحتك
ماحدش منعك
وفعلا الأسلوب الراقي يجعل صاحبه محترما
وعموما إحنا هنا كلنا بنتعلم
ولو في كل يوم بنضيف لنفسنا شيء جديد
فهذا في حد ذاته شيء عظيم

Omnia كتب:: اة والله يا استاذ فهمى حضرتك بتنبهنا لحاجات مهمة مش بنكون وخدين بالنا منها شكرا ع الاضافة

والله حاجة كويسة إن الواحد يجد لكلامه صدى
- صدى بالياء ياولاد وليس بالألف اللي فوقه همزة -
عموما إللي ماكانش واخد باله قيل كده
بعد كده لازم ياخد باله كويس
أحسن ينساه هنا والا هنا
وخاصة وهو داخل المنتدى
وحلـِّني بقي علي بال مايلاقيه
شكرا لكِ يا أمنية

hala eid كتب:: مشكور استاذ فهمى على توجية حضرتك الدائم لينا
لكن انا نزلت اللعبة دى علشان كان فى ناس كتير عاوزة تتوجة بس
وتنتبهم لطريقة الكلام
لكن مش الكل بيقبل كلام الغير علشان كدا قولت الكلام يبئا بطريقة غير مباشرة
ومكنتش اقصد الخبث واللقم بالطريقة اللى اتفهمت
بس عموما حصل خير

والله ياهالة أنا أتفهم وجهة نظرك تماما
وصدقيني هي فكرة ذكية
بس قلبت بتوجيه
والحمد لله انها جاءت علي كده
المهم أرجو ألا يغضب أحد لأننا هنا نعتبر أنفسنا أسرة واحدة

------------------

abeer كتب:: اه يا هالة احنا كنا فاهمين انتى عايزة ايه
وثانيا غيرتى صورتك ليه
دى كانت جميلة اووووووووووووووووى
ياريت تحطيها تانى

هي صورة مصاصة الدماء كانت عجباكي يا عبير
إيه النزعة الدموية دي ياجدعان
عموما هو إللي بيمص الدم بيكون الناموس
أو لاموأخذة البق
وفي رواية أخري بيقولوا أنها العرسة
وجاء من مصدر غير حكومي
إن أخطرهم علي الإنسان وأبشعهم مصا لدمائه
هي الأسعار!!!!

فاطمة كتب:: انا الى حكمت عليها انها تغير الصوره يا بيرو
يلا انتى كمان غيرى الصوره

هي فيها أحكام تاني
مش كفاية موضوع المحامين والقضاة
إللي عطل مصالح الناس
ألا قولي لي يا فاطمة
أنت تبع محكمة العدل الدولية
والا تبع الإداريه العليا
والا الجنح أو والعياذ بالله جنايات
والا الموضوع ده كمان حولناه للعبة الشايب

[ندعوك للتسجيل في المنتدى أو التعريف بنفسك لمعاينة هذا الرابط]

الصورة كانت بنت بتبكى وبتشم وردة عشان كده عجبتنى واظن ان مافيش انسان يحب مص الدماء
وايه علاقة الصورة بمصاصين الدماء كالناموس ......وغيره
ممكن حضرتك تفهمنا وجهة نظرك فى رويتك للصورة كمصاصة دماء