بمناسبة موضوع المقاصف المدرسية

------------------

جاءتني هذه الفكرة المقصفية
ولماذا لا تطبقها وزارة التربية
وتتوسع فيها
علي الأقل يبقي عندنا في مدرستنا مطعم كبير
أو كافيتيريا شيك محترمة
علي الأقل الواحد يستريح شوية من أكل البيت ويغير جو
بدل جو البيوت إللي معظمكم عارفينه
وكمان مش حا يبقي بعيد عن مكان الشغل
بل سيكون بداخله أو ملحق به يعني مافيس مواصلات ولا يحزنزن
وياريت المطعم ده أو الكافيتيريا دي تكون علي مستوي عالي
وشكل لائق وحضاري ويا سلام لو يكون فيها تكييف
ونعين فيها ناس من بتوع معهد السياحة والفنادق
علي الأقل أهي مساعدة في تخفيف البطالة
ويبقي مشروع كبير وبجيب له أشهر الطهاه والطباخين اللي في العالم
وننافس شبرد وشيراتون وفنيسيا ومطاعم مكسيم اللي في فرنسا
واللي أنا ماشفتهاش ولا حاشوفها لاني ما أقدرش أدخلها
إلا إذا عملت زي عم اسماعين ياسين
لما بعد الأكل أكل علقة ما يكلهاش حرامي جزم في الجامع
وزي سان جيوفاني اللي عمل كوبري استالي
بلاش كوبري البيضا أو كفر الدوار
هو إيه أللي فكرني بالكباري دلوقتي
بلاش نجيب سيرتها عشان الوحد ما يتعكننش
وكمان عشان الناس أللي حوالين المدرسة برضُه تستفيد
ونبقي كده بنطبق المشاركة المجتمعية علي أصولها
وفي هذه الحالة تبقي المدرسة عنصر جذب مش طرد
لأني لا أعتقد إنه مافيش عنصر جذب زي الأكل
خاصة أذا كان الواحد جعان
وكمان عشان الطالب لو زهقان من الحصة
أو مش عاجبه المدرس أو قرفان من المنهج
أو مش عاجبه حاجة خالص
ممكن يطلع شوية يفك عن نفسه
و يشرب له فنجان قهوة أو كوباية شاي بالنعناع
وعشان تبقي الكافتيريا عنصر جذب أكثر وأكثر
يسمح بالتدخين ولا مانع أيضا من شرب الشيشة العجمي فقط
لأنه كافيتيريا تعليمي لا يسمح فيه بالمكيفات
ويسمح فية بشوية موسيقي حالمة
وبعض الأغاني الخفيفة زي أراك عصي الدمع شيمتك الصبر
وكمان شوية موسيقي جاز أو سبرتو أو حتي بنزين
ومش مهم طبعا بنزين 80 أو90 أو حتي 100 إذا كان فيه
وبلاش سولار عشان ده لبتوع الميكروباص مش التعليم
وياسلام لو الوزير وافق اننا نعمل مسرح كمان
عشان طبعا نمثل فيه
وتبقي حياتنا كلها تمثيل في تمثيل
بدل الحقائق المرة وأهو تخفيفا عن معاناة الجماهير
وأيضا نكتشف المواهب ونشجع البراعم
في التمثيل والغناء بلاش الأوبرا طبعا لانها راقية جدا
ويسمح فيها بالأغاني العادية والشعبية والفولكلورية
التي لا مانع فيها من الآهات والصراخ والبكاء والعويل
والتي لا مانع أيضا فيها من شق الجيوب واللطم علي الخدود
وتعوير أي شخص ماشي في حاله
سواء بالشتيمة الخفيفة أو بالتنشين علي الكلوبات

وعشان يبقي المجتمع المدرسي متحضر
ممكن الطالب يدعو فيه زميلته عشان يقعد معاها حبتين
ويعمل فيها زي الشيخ سعيد مفسر الأحلام
ويمكن الحكاية تتطور أكثر ويعمل فيها زي نواعم
ويمسك إيدها ويقعد يقرا لها الكف لمدة حصة أو حصتين
عشان يقول لها عن مستقبلها
وكل التوقعات إلي مش حا تحصل أبدا ولا حتى في الأحلام

وطبعا وقبل كل ده
نعمل دعاية وملصقات و إعلانات في المجلات والجرائد
وعشان اليومين دول ما حدش كتير بيقرأ
نعمل إعلانات في الفضائيات والإذاعات المسموعة والمرئية
والقنوات الرياضة التي تذيع كاس العالم ودوري الأمم الأوربية
ولا مانع من الفضائية المصرية
لزوم الجدعنة والنخوة الوطنية

ونفوم بدعوة السادة المسئولين ونعملهم عزومة ما حصلتشي
وعشان الفكرة تنجح أكتر
لابد من دعوة هيئة الأبنية المدرسية
عشان تبقي فكرة التصميم بتاع الكافيتيريا في ذهنهم
وجاهزة لمثل هذه الأفكار التي تبدأ بفكرة صغيرة تم تكبر وتتطور
ويتم تنفذها علي وجه السرعة
ولأن طلباتكم أوامرعا الراس وعا العين
وحتى يتم ذلك انتظروا اللي حاقول لكم عليه بعدين

اية الكلام الكبييييييييييييييييير دة

كافيتيريا اية بس وتكييف اية بس وكمان ناس من بتوع معهد السياحة وكمان اشهر الطهاة والطباخييين
ومطاعم اية بس اللى فى فرنسا
إلخ........
إحنا مش عايزين دة كلة
هو الطالب
دلوقتى حيتعلم بمزاجة
هو لو النظام دة اتعمل عايزين مدرس من الارياف ويبقى فيلم رمضان مبروك ابو العالمين حمودة وحيبقى نفس السيناريو
وطالما الطالب زهقان وقرفان من المنهج ولا قرفان من مدرس مايقعد فى البيت يسمع المسلسلات التركى ويقشر بطاطس جنب الحاجة والدته
ولو جات على الشيشة والسجاير ما كلة بينزل على القهاوى ويتكيف،
انا حاسس يا استاذ فهمى إن السيناريو دة شبية بفيلم مرجان احمد مرجان بالضبط كازينوا جنب الجامعة وحشيش وسجاير ورقص وطينة على دماغهم
على فكرة انا حاسس ان اللى بيروحوا الاوبرا دول بيروحوا فى جنازة من كتر الصويت اللى انا بسمعه
وإذا كان الولد حيدعى البنت لشرب اى هباب على دماغهم هم الاتنين فى الكافتريا فده حيكون عادى جداااااااااااااااا
وحتى لو الواااد عاااااااااكس البنت بردة عااااادى فالبنت كمان بتعااااااااااكس والله بتعاااااااااكس

احنا نحمد ربنا اننا لقينا مقصف ذى مقصف الاستاذ ماهر عفيفى
وبجد احنا لازملنا مدرس زى رمضان مبروك ابو العالمين حمودة بس فى الجد

فعلا زى ما تيتو قال الكلام ده زى فيلم مرجان احمد مرجان ومش شرط يحصل كل الكلام الكبير ده وهو فعلا مش هيحصل بس على الاقل يبقى المقصف فى مدرستنا اكبر ويبقى فى تلاميذ يعملوا سندوتشات وشاى بجانب الحلويات والعصاير والكلام ده كثير من المدارس منفذينه وبعدين احنا نحمد ربنا ان استاذ ماهر عامل المقصف وهو شخصيا اللى بيقف فيه وبلاش يااستاذ فهمى تقول الكلام ده قدام استاذ ماهر بدل ما يزعل من حضرتك وهو زعله وحش والكل مجربه ههههههههههههههههههه

هههههههههههههههههههههههههههههههههههههههه صح الكلام يا ايمان بلاش الكلام ده قدام استاذ ماهر دى زعله وحش خالص بس انا بقول بدل الكفتريا نعمل سيبر احسن يا استاذ فهمى اهو الواحد لما يكون مش عايز يحضر الحصه يروح السيبر احسن ما العيال يطلعو بره

------------------

moon light* كتب:

فعلا زى ما تيتو قال الكلام ده زى فيلم مرجان احمد مرجان ومش شرط يحصل كل الكلام الكبير ده وهو فعلا مش هيحصل بس على الاقل يبقى المقصف فى مدرستنا اكبر ويبقى فى تلاميذ يعملوا سندوتشات وشاى بجانب الحلويات والعصاير والكلام ده كثير من المدارس منفذينه وبعدين احنا نحمد ربنا ان استاذ ماهر عامل المقصف وهو شخصيا اللى بيقف فيه وبلاش يااستاذ فهمى تقول الكلام ده قدام استاذ ماهر بدل ما يزعل من حضرتك وهو زعله وحش والكل مجربه ههههههههههههههههههه

محمد حسن كتب:

هههههههههههههههههههههههههههههههههههههههه صح الكلام يا ايمان بلاش الكلام ده قدام استاذ ماهر دى زعله وحش خالص بس انا بقول بدل الكفتريا نعمل سيبر احسن يا استاذ فهمى اهو الواحد لما يكون مش عايز يحضر الحصه يروح السيبر احسن ما العيال يطلعو بره

ياخوافيييييييين
لم اكن أتصور انكم بتخافوا لهذه الدرجة

ثم أنا أتحدث عن المقاصف بصفة عامة
لا أتحدث عن مقصف مدرستنا بالتحديد

وبعدين انتم تخافوا زي ما انتم عايزين
ولكن نحن نعرف كيف يكون الكلام ومتي يكون
طالما لا نتجاوز حدودنا ولا نتخطاها

نرجو أن نتعلم كيف ندير الحوار وكيف يكون الرد
والا نترك الموضوع الأساسي ونمسك في إحدي الكلمات
*****
وما كان يجب ان تسمحوا لانفسكم أن تقولوا لي
بلاش الكلام ده قدام الأستاذ ماهر
فكلامنا واضح وصريح وعلي الملأ
وأعتقد أنه لا يُغضب أو يُسيء إلي أحد
فنحن لا يحكمنا غير ديننا وأخلاقنا ومبادئنا واحترامنا للناس
وبعض الذوقيات التي يجب أن يتحلي بها كل منا
وهناك فرق شاسع بين الخوف والأحترام
فأنا أخ كبير للأستاذ ماهر
وهو صديقي وحبيبي ويحترم ويبجل كل منا الآخر
ونحن أسرة الفيزياء رجل واحد
ولذلك سأطلب منه أن يرد بنفسه عليكم
و طالما انتم بتخافوا كده
فأنتم صعبانين علىَّ

ليه كده يا استاذ فهمى وبعدين احنا مش بنخاف احنا بنحترمه بس هههههههههههههههههههههههههههههههه

ههههههههههههههههههههههههههههههههههههههههههههههه
خلاص معلش استاذ فهمى عندى المرة دى والنبى
اي خدمة يا تاتو

الله يخليك ياعيد يابو الواجب (تيتو)

ياريت بجد الكلام ده يحصل يااستاذ فهمى على الاقل مش كله يتنفذ بس اعتقد ان الكلام ده بيحصل فى الخارج

واحنا مالنا ي
خلينا فى نفسنا
حصل ولا ما يحصلش

مشكووووووووووووووووووراستاذ فهمى على الموضوع ده بس ده حلم والحلم ممكن يتحقق
بس يعنى
طلاما هنحط سجاير وشيشه وفيعنى يبقى يا حبذا من شوية مكيفات علشان لو الطالب دماغه لفت يروح يعدلها
وبالنسبه لموضوع التكييف فدى بسيطه وبدون تكلفه احنا هنجيب شوية طلبه ونعمل خشبه مروحه ونربطهم فيها ونحط ماتور ونشغل هيعملوا دماغ عاليه
وموضوع الكافتيريا ده حلو يعنى مثلا اعزم زميلتى قصدى زميلى على عناب ونفض للحصص عادى يعنى ونجيب بقى مدرسين كووووووووووووووووول يعنى سيس يعنى علشان نبقى تمام نعمل سيبر علشان خاطر محمد حسن لو زهق من الحصه يروع ويعمل شات مع --------------- ؟
ويا حبذا من شوية راقصات كده يعلشان يطروا القعده يعنى
وياريت امانه عليكوا لو عملتوا الموضوع ده تجيييييييييبوا نانسى بعجر وروبى ويا حبذا من هيفاء ويانهر لهوى لو مروه تيجى علشان تغنيلنا حاحا
وكمان نعمل نظام الفصول المشتركه علشان نانتم براحتنا ونبقى 100100
وياريت كمان تجيبوا مأذون فى المدرسه ويبقى ليه مكتب علشان الطلبه والطالبات يتجوزوا واهو برده نخف من نسبة العنوسه فى مصر
وفرض على كل طالب يتجوز اربعه وميطلعش برا المدرسه الا اما يتجوز
وكمان نغير نشيد بلادى فى طابووور الصباح ونحط بداله اغنية بوس الواوا ليك الواوا خلى الواوا يصح
ونغير حاجات كتيييييييييييييييير

بس انتوا عارفين يا جماعه لو الكلام ده حصل يبقى نظام التعليم باظ وقول على الدنيا السلامه
ونبقى احنا ضيعنا وبوظنا وعمرنا ماهنتقدم خطوه واحده قدام

عارفين الصح ايه المفروض يبقى فيه كل مدرسه داعيه اسلامى يعلم الطلبه امور دينهم من فقه وسنه وتجويد وحفظ للقرآن
وينضاف الدين للمجموع احسن ما يضيفو ا الحاسب الآلى

وشكرا لحضرتك كمان مره استاذ فهمى على الموضوع الرائع ده