اعضاء المنتدى :لحظه من فضلكم

بسم الله الرحمن الرحيم
السلام عليكم ورحة الله وبركاتة
فى البداية انا عارفة ان الكلام اللى حقولة اكيد حيزعل ناس كتير منى وان ناس كتير ممكن متقتنعش بوجهة نظرى
بس اللى اتمناه ان الجميع يتقبل وجهة نظرى بصدررحب
_ _ _ _ _ _ _ _ _ _ _
حنرجع بالزمن للخلف قليلا ومن حوالى سنة لمن تم انشاء المنتدى على يد استاذنا الفاضل أ\فهمى
كان عدد الاعضاء فى البداية مش كبير
يعنى زى مابيتقال ((يتعدوا على الاصابع))بس كانت اكتر حاجة بتعجبنى فى المنتدى ((رغم قلة عدد الاعضاء)) المواضيع الجاد
والهادفة اللى بتم طرحها ومناقشتها المواضيع اللى تستحق فعلا تكون فى منتدى مدرسة
حتى المواضيع اللى كانت فى الاقسام العامة كانت مواضيعة طريفة ومسلية وفى نفس الوقت كانت بتاخد طابع الجدية
اما الاقسام التعليمية فكانت بشهد مواضيع مفيدة جدا للطلاب من مذاكرات وامتحانات واسئلة ومراجعات لم يبخل المدرسين بوضعها ولا الطلبة فى نقلها للمنتدى

ولكن عمع بداية العام الدراسى الحالى شهد المنتدى تسجيل العديد من الطلاب والغالبية من الصف الاول الذين لهم منى كل احترام وتقدير
انا شخصيا فرحت جدا بوجود هذا العدد الكبير نسبيا وتوقعت ان حيكون فى نشاط اكتر فى المنتدى
وان المنتدى سوف يمتلىء بالعديد من المواضيع الهادفة والمفيدة
ولكنمع زيادة عدد الاعضاء كان بيزيد المواضيع الغير هامة والغير مفيدة
واصبح المنتدى وكان مفيهوش غير قسمى الاراء والطرائف والقسم العام
وزاد عدد المواضيع فى القسمين دول بالتحديد وغالبية المواضيع غير هادفة
اما الاقسام التعليمية فاذا قارنها بالقسمين ((الطرائف والعام))نجد عدد المواضيع قليلة جدا
بالرغم ان الطبيعيى بما انه دة منتدى مدرسة فعدد المواضيع فى الاقسام التعليمية يكون فى نشاط اكتر
مش معنى كلام انى ضد الترفية او التسلية لان اكيد مفيش حد مابيحبش مواضع الترفية والتسلية
ولكن كل شىء وله حدود
والصراحة ان عدد الموضوعات الغير مفيدة فى القسمين زادوا عن حدهم
زى مواضيع التنافس بين الاهلوية والزمالكاوية
وماوضيع المقارنة بين البنت والولد
بالاضافة الى مساهمات بدون اى جدوى
يقولون((ان الرد الجميل يعتبر فى حد ذاتة موضوع اخر))
واخيرا اعضاء المنتدى الكرام انا عارفة بعضكم ممكن يقول انى عاملة الموضوع ده عشان اتفلسف عليكم ولكن الله
وحدة يعلم مافى نيتى وانى كل اللى اتمناه انى اشوف منتدى مدرستى فى احسن صورة
ولكم منى كلمة اخيرة
((ارجو ان تعيدوا النظر الى المنتدى ستجدوا انه يشمل اقسام اخرى غير القسم العام وقسم الاراء والافكار
يستحقوا منكم ان تهتموا بهم))وفى الاخيرانا اسفة لو كان كلامى زعل حد بس الكلام ده كان نفسى اقوله من فترة والهدف منه مش القاء اللوم على اشخاص معينين بل هو محاولة لتغير الاوضاع الى الافضل
فالنقد البناء اساس الاصلاح الا الهدم

فهيا بنا اعضاء منتدى البيضا الكرام نعمل سويا لجعل منتدانا الافضل
والسلام عليكم ورحمة الله وبركاته

لا يا رضوى ملكيش حق انك تتأسفى لان هى دى الحقيقه اللى المفروض الجميع يواجهها وبصدر رحب
وانا معاكى فى كل كلمه قلتيها وتعرفى ان موضوع التنافس بين الزمالك والاهلى ده انا اللى كنت حطاه وكان قصدى مجرد نكت فقط ومكنتش اتوقع والله انه هيتقلب لتنافس بالشكل ده ووللاسف هو ده اللى حصل وبجد زعلت لما لقيته بالمنظر ده والشباب بيزعلو بعض بالكلام فيه
وهما اصلا فى الاخر مش هيستفيدو بحاجه اذا كان الاهلى هو الافضل او الزمالك هو الافضل
وانا والحمد لله اصلا مليش فى الكوره ولا بشجع لا اهلى ولا زمالك
بس انا معاكى فى كل كلمه قلتيها

اقتباس :: لا يا رضوى ملكيش حق انك تتأسفى لان هى دى الحقيقه اللى المفروض الجميع
يواجهها وبصدر رحب
وانا معاكى فى كل كلمه قلتيها وتعرفى ان موضوع
التنافس بين الزمالك والاهلى ده انا اللى كنت حطاه وكان قصدى مجرد نكت فقط
ومكنتش اتوقع والله انه هيتقلب لتنافس بالشكل ده ووللاسف هو ده اللى حصل
وبجد زعلت لما لقيته بالمنظر ده والشباب بيزعلو بعض بالكلام فيه
وهما
اصلا فى الاخر مش هيستفيدو بحاجه اذا كان الاهلى هو الافضل او الزمالك هو
الافضل
وانا والحمد لله اصلا مليش فى الكوره ولا بشجع لا اهلى ولا
زمالك
بس انا معاكى فى كل كلمه قلتيها

على فكرة انا والله اصلا معرفش مين اللى كان عامل الموضوع بتاع الاهلى والزمالك
لان كان فى كذا موضوع مش موضوعك انتى بس ياقمر
وانا كمان مقصدش مواضيع الاهلى والزمالك بس
بس ذكرته على سبيل المثال وليس الحصر
وزى ماقلت انا مش بلقى اللوم على حد معين
بس المهم ان الاعضاء يقللوا من المواضيع دى

عندك حق يا رضوى
والكلام الصح مش بيزعل
انا كمان لحظت حاجة فى المنتدى هنا
ان اى موضوع بينزل فى اى قسم غير الاراء والافكار
والمعلومات والطرائف
يتم تجاهله ولا يوجد الاعدد قليل من الاعضاء هم الذين يطلعون علية
تقبلى مرورى

عادى يا رضوى وانا اصلا زكرت موضوعى على سبيل المثال مش اكتر ومفيش اى زعل والله

موضوع: رد لموضوع الخميس 29 أبريل 2010, 3:21 pm

.ابنتى رضوى: كلامك اللى قولتيه صحيح جدا و انا لما قراته شعرت بتقصير منا نحن كمدرسين لاننا لا نهتم بمثل هذا الموضوعات تماما و ربما ايضا تقصيير من الاستاذ الفاضل الاستاذ فهمى الذى اثرى هذا المنتدى بدرره الغالية( كل اسفى للاستاذ الفاضل فهمى)و لو حتى بالتعليق و لكنى اعذره و لكن احب ان اقول.له لقد بدا المنتدى بك عظيما و نريده دائما عظيما و لن يكون كذلك الا بمشرف عظيم و قدير مثلك

كلامك اللى قولتيه صحيح جدا وميزعلش اى حد فى المنتدى
وشكرا يارضوى جدااااااااااااااااااااااا

فعلا يارضوى انتى عندك حق فى كل الا قولتيه
والموضوع ده كان لازم ينزل من زمان
واحنا لازم نهتم شويه كلنا بالمنتدى عشان يبقى افضل منتدى

اقتباس :: عندك حق يا رضوى
والكلام الصح مش بيزعل
انا كمان لحظت حاجة فى
المنتدى هنا
ان اى موضوع بينزل فى اى قسم غير الاراء والافكار
والمعلومات
والطرائف
يتم تجاهله ولا يوجد الاعدد قليل من الاعضاء هم الذين يطلعون
علية
تقبلى مرورى

انا بقه نفسى يكون فى توزان فى جميع اقسام المنتدى
ومتكنش المشاركات قاصره على قسمى المعلومات والطرائف

اقتباس :: عادى يا رضوى وانا اصلا زكرت موضوعى على سبيل المثال مش اكتر ومفيش اى زعل
والله

اوكى ياقمر
حصل خير اعضاء المنتدى :لحظه من فضلكم Icon_biggrin

مشكورة رضوى بجد
ومتعتزريش ابدا كل كلمة قولتيها صح
لازم يكون فى انتقاء للمواضيع
يعنى على سبيل المثال
المواضيع اللى كانت بتتكلم عن البنات
انا شايفة ان وجودها فى المنتدى مش ظريف
انا مش زعلانة منها بس
ياريت بجد تتشال ومواضيع كتير نفسى مشفهاش فى المنتدى
زى مواضيع الحب

لك منى رضوى كل التقدير

شكرا ليكى يارضوى على الموضوع الرائع ده
انا لسه مسجله جديد فى المنتدى واللى لحظته فعلا ان فى مواضيع كتير ملهاش قيمه وانا دخلت المنتدى ده على اساس انه منتدى تعليمى بس طلع العكس والاقسام التعليميه قليل جدا المواضيع فيها واكتر الاقسام اللى فيها المواضيع الاراء والافكار ومعلومات وطرائف فارجو من جميع الاعضاء واستاذ فهمى شخصيا الاهتمام بالمنتدى اكثر وبالمواضيع التعليميه
وارجو ان تتقبلوا رأى وعدم الزعل

عندك حق يا رضوى فى كل الى قولتيه

كلامك كله صح بس ياريت الناس تعمل بيه وبلعكس كده حنستفيدو اكثر

كلامكم مضبوط اوى يا جماعة وشكرا على ردودكم الجميبة

» جماليات يجب ان يتحلى بها اعضاء البيضا
» انواع اعضاء المنتدى
» لماذا يطلق عليكم اعضاء وليس مشاركين؟
» صفات يجب ان يتحلى بها اعضاء المنتدى
» افضل اعضاء المنتدى (فى نظرى)ما فيش حد يزعل...