حوار بين الشباب والبنات

ازيكو يا شباب ويا بنات ايه اخباركو
انهارده فى لعبه جديده وحلوه وهيا ان هيكون فى حوار بين الشباب والبنات ازاى بئه انا اقولكو
طبعا الشباب فيهم حاجات مش بتعجب البنات واكيد البنات فيهم صفات وتصرفات مش بيعجبوا الشباب
احنا كل الى مش بعجبنا فيكو وانتو تقولو كل ال ىمش بيعجبكو فينا بس بطريقه شيك اوى ازاى برضو انا اقولكو
هيكون فى فريقين طبعا فريق بنات وفريق شباب
فريق البنات هيطرح موضوع مش بيعجبو فى الشباب وطبعا بكل احترام وبدون اى اثارة مشاكل ويدخل فريق الشبابا يبرر موقفه من الى قالوه البنات وبدون تعصب وبعد مايرد يدخل واحد من فريق الشباب يطرح موضوع الشباب مش بيحبه فى البنات
والبنات تردد وهكذا اظن سهله ومفهموه مش كده
بس معايا كام ملاحظه صغنين كده
ياريت كلنا نكون مع الحق دايما وميحصلش خناق
ولو فى موضوع اتطرح وملقاش قبول من الفريق الاخر يحق للى بيسال طرح موضوع اخر وكل موضوع مدته يومين فقط
واحنا هنا مش بنوجه اتهام لاى شخص بعينه لاء احنا بناقش اوضاع فى المجتمع كله عشان محدش ياخد الكلام على نفسه اما بئه لو حصل خناق او مشاكل بين الشاب والبنات فانا لازم اطلب من ايه بقفل الموضوع فورا وياريت ده ميحصلش
يلا نبدا المتش واول موضوع بنطرحه على البنات هوا
طبعا فى الاونه الاخيره وللاسف تدخل محل لبس تلاقى الولد اشترى بنطلون وتى شيرت والبنت زيه بالظبط البنطلون والتيشرت وكله لبس البنات او معظمه بئه يشبه لبس الشباب بالظبط وقليل اوى لما تلاقى واحده لابسه فستان او حاجات بناتى لكن كله بنطلونات وده من امته ان البنات بيلبسو بنطلونات
ياريت كل واحده تدخل تقول رايها بكل صراحه وياريت محدش يتكلم عن نفسه لانى مش بقصد حد
انا بس عاوز رايكو فى الظاهره الغريبه دى وياريت محدش يوجه اى اتهام للشباب من قبل ما يعدو يومين وتردو على الموضوع ده
يلا يا شبابا وبنات نبدا
المايك معاكو يا بنات اتفضلووووووووووو

كلامك مظبوط 100% يا ريتاج وعجابنى اوى وطبعا مفيش حد هيزعل من كلامك لانه مفهوش اى شىء من الغلط بس هيا الفكره بتاعه مؤمن جميله ونحب نجربها اكيد الكل هيستفاد

هو طبعا البنات اللى بتلبس بناطيل واسعه وحاجات طويله ده حلو واحسن من ناس كتير ومحترمين يا عبير وانا السنه اللى فاتت كنت منهم برضوا بس لازم نعرف الحديث ده(لعن الله المتشبهات من النساء بالرجال والمتشبهين من الرجال بالنساء)

مشكورين يا بنات التفاعل الجميل ده وياريت كل البنات الى فى المنتدى تدخل وتقول رايها
وبجد كلامكم حلو كتير يابنات ربنا يجزيكو خير

the_queen2010 كتب:

هو طبعا البنات اللى بتلبس بناطيل واسعه وحاجات طويله ده حلو واحسن من ناس كتير ومحترمين يا عبير وانا السنه اللى فاتت كنت منهم برضوا بس لازم نعرف الحديث ده(لعن الله المتشبهات من النساء بالرجال والمتشبهين من الرجال بالنساء)

على فكره انا قلت الحديث ده النهارده فى الاذاعه

سبحان الله هى صدفه لان انا كنت غايبه ولو حاضره بوصل بعد الطبور

شكررررررررا ليكى يا ايه على هذه الاضافة
(اللهم اهدنا جميعا)

اوكى يابنات يا ريت واحده فيكو تدخل تطرح موضوع علينا اليومين خلصو خلاص وكمان انا شايف ان الكلام خلص فى الموضوع ده
مستنى الموضوع يابنات

حلوة اوى الفكرة دى يا جماعة0 وشكرا ليك يا مؤمن على افكارك الجميلة دى بس ياريت نتفاعل مع الموضوع وحد يتكلم

واللهى يا ايمان انا شايف تفاعل جميل اوى من البنات بس مستنيمو تحط موضوع لينا بئه

دلوقتى ياجماعة كترت اووى معاكسات الشباب للبنات وبصراحة حاجة تخجل يا مسلمين
نفسى اعرف رايكم فى الموضوع دة
واية السبب اللى زود الحكاية دى بجد الواحد مبقاش عارف يمشى
ونفسى اعرف هو انت لما بتعاكس واحدة بتحس بايه
بتحس كدة انك اشبعت رغبتك طيب واختك اللى فى البيت
طيب وبنتك ومراتك
ترضالهم كدة لا والله العظيم مترضالهمش كدة طيب وهى البنت اللى فى الشارع
دى مش اختك ولو مش اختك مش اخت واحد زيك
وميرضهوش كدة زى مانت مترضاش كدة اللى اختك
ايه رايكم ياشباب

فعلا يا ريتاج الحكايه دى كترت اوى وبما اننا اتفقنا ان محدش يتكلم عن نفسه فاحنا اكيد هنوافقك الراى يا ريتاج ونقر ان ده تصرف اكيد ميرضيش اى حد وميلقش بينا كمسلمين
بس برضو نرجع ونقول الحل ان البنات يحسنو لبسهم والشباب يغضوا بصرهم

احنا الصبيان بوجح عام احنا لما تكون واحده معديه لبسه لبس مش محترم هنبص ولا نغمض عنينا محدش فينا سيدنا يوسف عليه السلام واحنا مبنحسش بحاجه لما نعاكس بس البنت هى الى بتطرنا لكده مثلا لو واحده محترمه لبسه لبس محترم حد هيبصلها اكييد لا
وشكراا وياريت محدش يزعل وهابى نيو يير

اعتقد ان دا مش مبرر للشباب انهم يعكسوا البنات لان الايام دى المحترمة وغيرها بتتعرض لمضايقة فى الشارع
وكلنا عارفين اللى بيحصل ، بس احب ان كل انسان قبل ما يعاكس بنت يفكر شوية انها لو اختة هيرضى ان حد يضيقها
مهما كانت طبيعة لبسها ، اتفرجوا شوية على اى قناة هتشوفوا بنات فى قمة الاحترام وبيحصلهم معاكسات
بحس ان الشباب بيعملوا كدا لان معظمهم مش لقين حاجة يعملوها يعنى فاضين ومش بيشتغلوا
كمان دا مش مبرر
ربنا يعفو عنا ويرحمنا ويهدينا جميعا

فعلا يا هالة كلام معقول
بس تيجى نبص من ناحية تانية البنت والولد هما المجتمع كلة ومثل الجسد
اذا اشتكى عضو شاركة بقية الاعضاء
طيب لما البنات طريقتهم تتغير الشباب كمان طريقتهم تتغير
والتاثير مننا احنا الاول مش منهم
يعنى لو جينا نفكر فى اصلاح المجتمع يبقى احنا اللى نصلح اولا
لاننا احنا الاخت والام والبنت والزوجة يبقى احنا اللى نبدا الاول




ونقول الحل ان البنات يحسنو لبسهم والشباب يغضوا بصرهم
دى بقى اللى كنت عايزة اوصل ليه
طيب قولولى بقى ازاى نحسن من لبسنا والشباب يغضوا من بصرهم
انا عايزة اعرف ازاى

بصى يا ريتاج على ادم اما النت تقدر تخلى لبسها مش مفلت لكن طبعا كل البنات مش بتستجيب لكده اكيد هيكون فى بنات لبسهم ملفت ومش كويس وهنا بئه ييجى دور الشباب انهم يغضو بصرهم
واضح كده ولا لسه فى ضغائن منى

يا جماعه انا غلط فى الكتابه لما قولت كل البنات مش بتستجيب لكده انا نسيت احط كلمة مش عشان تكون
مش كل البنات بتستجيب لكده

انا معاكى يا ريتاج ان المجتمع بيحارب النقاب بالذات
بس تعرفى انا معاهم فى حاجة وضدهم فى حاجة
طبعا الحكم مش هيكون على كل المنقبات لكن معظمهم بيستخدموة غلط جدا
زى مثلا فى السرقة وغيرة ،بس طبعا مش لازم الحكم يكون على الكل
كمان انا قبل كدا كان ليا تعامل مع ناس لبسة النقاب الحقيقة معظمهم مش بيعملوا بيه نهائى
يعنى الحقيقة بيسئوا للاسلام وللزى اللى هما لبسينة
ودا كان راى

ماشى يا جماعه الموضوع اخد اكتر من تلات ايام كفايه كده ودلوقتى دور الشباب الى الحمدلله مشفتوش ولا واحد فيهم غير احمد وكانت مره وعدت وسؤالى ليكو المره دى هوا
فى صفه عند البنات بلاقيها عند كل البنات وده تقريبا مرض عندهم وهوا عدم الحب للغير بمعنى ان بلاقى عند البنت شعور لصاحبتها الحقد والغيره وحب الشر ليها وعدم التعاون سواء فى دراسه او اى حاجه تانيه يعنى صحوبية البنت للبنت متبقاش جامده اوى زى صحوبية الولاد لبعضهم
اكيد طبعا فى ولاد كده بس دول اقليه واكيد طبعا فى بنات مش كده بس دول برضو اقليه لانى اغلب البنات بيكونو كده
كده كده انا عاوزكو تقولولى رايكو يلا ابدأو

يا ريتاج انتى عندك حق بس انا كده مستفادش حاجه انا عاوز اعرف ليه هما بيعملو كده وايه الحل معاهم
understand

كفايه كده يا جماعه فى حوار البنات عايزين نغير
يلا يا شباب قولو اللى انتم عايزينه

ايه يا ايه ماحنا فتحنا موضوع جديد

الغيرة عمتا دية بالفطرة فى الانسان بس اكيد ان دية حاجة مش كويسة
خاصة لما بتسيطر على الانسان...ممكن تعمل مشاكل جاااامدة خاصة الغيرة مابين البنات...بس انا واللة مش منهم خالص.
والغيرة ساعات بتبقى مفيدة وتاحة لو فى المذاكرة دية بتحفذ الانسان عشان يذاكر وعشان محدش يكون احسن منة ..ولا اية؟؟؟؟ ......

عندك حق يا دينا
وفعلا الغيرة دى طبيعه فطريه عند كل انسان مش البنات بس انه يكون الاحسن والافضل
وانا شايفه ان الغيرة فى المذاكره حاجه كويسه بس من غير حقد وغل
وكمان انا شايفه ان لو انسان فى صفه الغيرة بالحقد والغل يحاول يغير من نفسه
بان هو يحب لغيره زى ما يحب لنفسه
يا ريت تقبلوا رايى