الشعر مبدأ ومواقف

------------------

هذه قطعة زجلية
قمت بحذف العديد من أبياتها
حتي تصلح للنشر
*****

الشعر مبدأ

*****
لابد إنه تكون عارف *** الشعر مبدأ ومـواقــف ***
ولا هوش تهْـلــيس

والــرد ده من تأليفي *** وحا ارد ع الشعر بكيفي ***
من غير تدليس
*****

العـقـْــل ليه مـا بـيحـْـكـُمـْناش *** لا قـيـمة ولا أخــلاق ما بقاش ****
إلا التـهـلـيـس

تعْمِلْ فيها اهـْـبَل , تسْتعبط *** تسوق في جهـْـلك تتـْــنطط ***
ويا المـلاحـيـس

دا بُـكـْـره م الجـهـل تـعَـيـَّـط *** وف كـل مُــشـْـكـلة تـتـْـــورَّط ***
زي القـراطـيـس

لابد إنه تكون عارف *** الشعر مبدأ ومـواقــف ***
ولا هوش تهْـلــيس

موش كلمتين كده يترصُّوه *** ولا حد يعوجلي في نفسه ***
قال إيه برنسيس

عامل بيفهم وبيحلف *** وكــلامه دبـش بـيــتحـدف ***
من هنا لأبـيـس

يا تقول لنا فِكـْر يجدد *** يا تشوف مكان وتروح تُقعد ***
ويا البلاليص

واللي يعيش ما هو ياما يـشوف *** السـرقــة والنــهب المكــشوف ***
هما المقاييس

في دروب هبلنا بنتفسح *** وأنـْشــط ما فينا بقي مكـسـَّح ***
وبقـينا فـطـيــس

رقابتنا فوقها سيف مسنون *** ياتعيش حرامي ووش سجون ***
أو مِ الجواسيس

الناس بتتقدم واحنا *** لا جـــيــنا والله ولا رحــــــنا ***
ما احنا متاعــيـس

التور في مزرعته بقي جعان ***لا أكل ولا شغلانة كمان ***
ولا لاقي دريس

التور رقبته في إيد تعلب *** عمال بيسرق وبينهب ***
مال المتاعيس

إحنا كفانا إللي كفانا *** من الديابة السرحانة***
وأبو أصل خسيس

تاكل وتشرب وتهيص ***وإحنا ف عبطنا بنهجص ***
وتزيد ترقيص

يارب مين غيرك لينا
***
تنصر بلدنا وتهدينا
***
وتمحي المهاويس

من أشعار فهمي إبراهيم

بجد حلوه اوى

------------------

ياسمين كتب:: بجد حلوه اوى

شكرا لك يا ياسمين
وياريت نشوف حد من الأعضاء بيكتب شعر
بس يكون شعر حقيقي
وأول حاجة تتوافر فيه
إنه يلتزم بالتفعيلات يعني يكون موزون

جامده جدا بجد تسلم ايدك يا استاذ فهمى

جامده جدا بجد تسلم ايدك يا استاذ فهمى