لعبة الشايب وأكافئك بإيه يامرجانة

------------------

لعبة الشايب
وأكافئك بإيه يا مرجانة ؟؟!!

أولا : هذه وجهة نظر
ثانيا : أنا أقدر الترفيه
لاننا نحتاج دائما ألي مايرفه عنا
ويزيح عن كاهلنا ما يجثم علي أنفاسنا
خاصة في مثل هذه الأيام
نحن نحتاج إلي ترفيه يخفف عنا
لا إلي ترفيه يقضي علينا

ثالثا : ظهرت ألعاب عديدة
وإحداها فكرتها قريبة من لعبة الشايب
بتاع الكوتشينة
واللي يطلع له الشايب
نحكم عليه مثلا بأن يسوق العبط أو الهبالة
أو يحط نفسه في صندوق الزبالة
يعني لعبة بس متطورة شوية
و بدلا من أن نمسك الورق في أيدينا
نمسك في النت
و نجلس أمام الشاشة ولا نقوم
إلا بعد أن يكون وقتنا قد ضاع وجهدنا قد أُستُنْفذ
وبدلا من أن نستثمر أوقاتنا فيما يفيدنا
أو يرفع من شأننا أو يضيف لنا جديدا
نستثمرها بكل بساطة و دون أن ندري
في خدمة من يتربصون بنا
*****
فالمفروض أن تستغل ونستثمر أوقاتنا وعقولنا
في إتقان ما بأيدينا
و البحث عن أفكار خلاقة وبناءة ومجدية
تنفعنا وتصلح من أحوالنا
وتساعدنا علي نفع أنفسنا وتطوير بلادنا

و بدلا من إعمال العقل واستثمار الوقت في ابتكار شيء
نتفنن في تغييب عقولنا و إضاعة أوقاتنا وإهدار طاقاتنا
ونترك من يتربصون بنا يفكرون لنا
وطبعا لن يفكروا فيما يفيدنا أو ينفعنا
فبدلا من أن يبذلوا حهدهم في محاربتنا
نحن وفرنا عليهم مجهودهم ووقتهم ومالهم
واستنزفنا نحن كل امكانياتنا وأهدرنا كل مانمتلك
وجلسنا نضيع أوقاتنا في ألعاب الشايب
وهم لا يطلبون أكثر من هذا

نحن نحتاج إلي العاب لتنميةالذكاء
ولدينا ألغاز وفوازير حقيقية
تعجز أمامها فوازير شيريهان و نيللي
و إبراهيم نصر - الست ذكية - في الكاميرا الخفية
وتتضاءل أمامها حكايات ألف ليلة وليلة
لأن البيئة أصبحت غير مناسبة الآن للشاطر حسن
لكنها مناسبة تماما وصالحة
لعدد لا حصر له من أمثال علي بابا والأربعين حرامي
وأكافئك بإيه يا مرجانة ؟؟
تتجوزني يا سيدي !!

نحن لا نحتاج إلي إضاعةالوقت
ولكن نحتاج إلي استثمار الوقت

والله عندك حق يا مستر فى كل اللى حضرتك قولته

بجد عندك حق فى كل الى قولته يا استاذ فهمى

بجد عندك حق فى كل الى قولته يا استاذ فهمى

شكرا استاذ فهمى
كلام حضرتك صح
بس عندى راى
انا شايفة انه مجرد ترفية يعنى تكون لعبة جمب باقى الموضوعات الجادة
والاحكام فيها عادية
ليس فيها اهانة او عدوان
وهذة اللعبة تكون الى جانب العاب الذكاء
يعنى شوية ترفيه وشوية استفادة
علشان محدش يشعر بالملل

ارجو ان تتقبل راى

صح وكمان احنا فى أجازه يعنى مفيش مانع من شوية ترفيه

كلامك صحيح يا هالة بس استاذ فهمى يقصد ان احنا نرفه عن انفسنا ونستفيد فى نفس الوقت واللعبة مفيش فيها حاجة وحشة بس مش كويس تفرض على حد حاجة وممكن ميكونش حابب الحاجة دى وارجو تقبل رأيى

------------------

احمد السطوحى(شيكو) كتب:: بجد عندك حق فى كل الى قولته يا استاذ فهمى

ِشكرا يا أحمد

hala eid كتب:: شكرا استاذ فهمى
كلام حضرتك صح
بس عندى راى
انا شايفة انه مجرد ترفية يعنى تكون لعبة جمب باقى الموضوعات الجادة
والاحكام فيها عادية
ليس فيها اهانة او عدوان
وهذة اللعبة تكون الى جانب العاب الذكاء
يعنى شوية ترفيه وشوية استفادة
علشان محدش يشعر بالملل
ارجو ان تتقبل راى

شكرا لك ياهالة وأنا أتقبل رأيك
ورأي أي عضو و رأي أي واحد بكل رحابة صدر
طالما هناك التزام بأدب الحوار

احمد السطوحى(شيكو) كتب:: صح وكمان احنا فى أجازه يعنى مفيش مانع من شوية ترفيه

أحترم رأيك الثاني بعد هالة

just ahuman كتب:: كلامك صحيح يا هالة بس استاذ فهمى يقصد ان احنا نرفه عن انفسنا ونستفيد فى نفس الوقت واللعبة مفيش فيها حاجة وحشة بس مش كويس تفرض على حد حاجة وممكن ميكونش حابب الحاجة دى وارجو تقبل رأيى

شكرا وطبعا نحن نريد ترفيها
يفيد ويثمرأوقاتنا لا ترفيها يضيعها
وإلا تساوي الحمقي والعقلاء
وعموما هناك فرق بين أن تكون معتدلا و جادا في لين
وبين أن تكون لاموأخذة ساذجا وأهبلا وعبيطا

حضرتك عندك حق استاذ فهمى

نظرتنا للاعتدال على انه تقيد

هى اللى جعلتنا فى مكاننا ولن نتحرك

ولكن ليس الاعتدال تقيد بل بالعكس

نحن نقيد انفسنا سنظل ناخذ منهم ونمشى ورى افكارهم

حتى الترفيه مش من افكارنا افكارهم هما

هو دة التقيد

حضرتك يا مستر معاك حق ف كل الكلام اللى انت قولتة واناااا معاااااااااااكو يا جماعة

------------------

دينا احمد كتب:

حضرتك يا مستر معاك حق ف كل الكلام اللى انت قولتة واناااا معاااااااااااكو يا جماعة

مش بقول لكم إحنا عندنا مواهب مدفونة
أول مرة أكتشف إنه فيه في منتدياتنا دبلوماسيات
وهذا شيء يبعث علي الاطمئنان
هذا رد دبلوماسي جدا
لعبة الشايب وأكافئك بإيه يامرجانة 927235

فالمستر معاه حق في كل الكلام اللي بيقوله
وأنا معاكم يا جماعة
يعني كده ما زعلتيش حد
لعبة الشايب وأكافئك بإيه يامرجانة 927235

طب لو فيه رأي بين البينين حاتقولي إيه يادينا
لعبة الشايب وأكافئك بإيه يامرجانة Icon_question

وعلي فكرة
أنا أحب ان يكون الإنسان باشا - بشوش يعني -
وليس متجهما وقافلها خالص
ومحبكها ومتنك قوي
ولا طبعا فاغرا فاه ومادد رقابته
ومبحلق ورافع حواجبه لفوق
وعمال يضحك عمال مع بطال
والا يبقي المتخلف عقليا أعقل منه

فأنا أحب التسلية التي تنمي وتشغل الفكر
وتقدح زناد العقل
وبصراحة نحن تأخرنا كثيرا
عمن كانوا أقل منا
ولكنهم سبقونا في شتي المجالات
وبالتالي يجب علينا أن نسرع خطانا
حتي نلحق بمن سبقونا
ونحاول ألا نضيع وقتنا إلا فيما يفيدنا

وطبعا كلكم عارفين
إن أنا مش مكلكع قوى لدرجة التزمت
ولا متساهل لدرجة التهاون
ولا أحب أن أترك الأمور تبقي سبهللة
ولكن لكل مقام مقال

وأحب إن يكون رأي كل واحد يدل علي شخصيته
ونابع من قناعاته هو ومن جواه
وألا يكون متذبذبا غير واثق من نفسه
وينساق وراء آراء الآخرين
ويبقي معاكم معاكم عليكم عليكم
وأهو كلمتين بيتقالو وخلاص

وعموما ليس هناك عيبا أن يتراجع الإنسان عن رايه
طالما وجدت الأسباب المقنعة لرجوعه
والحقائق والأدلة التي تدعم ذلك

يا مستر الدبلوماسية هية اللى ماشية اليومين دول اسألنى انا بس مش معنى كدة انى مقولش رأيى بصراحة
بس بينى وبينك يا مستر ومتقولش لحد
اصلى مش بحب ازعل حد منى خالص مالص

------------------

دينا احمد كتب:: يا مستر الدبلوماسية هية اللى ماشية اليومين دول اسألنى انا بس مش معنى كدة انى مقولش رأيى بصراحة
بس بينى وبينك يا مستر ومتقولش لحد
اصلى مش بحب ازعل حد منى خالص مالص

طالما باقول رايي بأدب وبذوق وباحترام
وطالما أنا مُدرك وأعي ما أقول
ولا أسيء إلي أحد
فاللي يزعل هو حر

[ندعوك للتسجيل في المنتدى أو التعريف بنفسك لمعاينة هذا الرابط]

» لعبة المارد
» لعبة حلوة اوى
» لعبة الاحكااااااااااام جمييييييييلة جداااااااااااااااا
» لعبة الفلوس حط المبلغ والى........
» لعبة السجن والى يحبك يطلعك