الليل دايما آخره نهار

------------------

الزملاء الأفاضل
أبنائي الأعزاء
نظرا لالتزامى وتنفيذي لما أطالب به
وهو أن تكون المداخلة أو المشاركة إضافة جديدة للموضوع
فسوف أرد علي الموضوع برأي من عندي
ليس منقولا ولامأخوذا من منتيات أخري
وأرجو أن يكون ذلك واضحا
وأرجو ألا يلطشه أي أحد وينسبها إلي نفسه
رغم إنه ليس في الذرة
أو في اختراعات تضيف شيئا للبشرية
ولكنه رأيي وأنا مسئول عنه و هو ملك لي
ولا أحب لأحد أن يعتدي علي ممتلكات الغير

*****

علمني صمتي ..
أن أختارَ فطارَ الصبحِ ..
شوية فول , بالزيت الحارْ.
وسلاطهْ وفجلْ , وجبنْ قَريش.
ومعاها كمان حبة قراقيش.
معجونة بسمسم.
وحاجات قالواعليها بتهضم.
مش موجوده عند العطار.

علمني صمتي .. إن غدايا لازم يبقي خضار.
قالوا سوتيه !! مش عارف إيه!!
مهما يقولوا !
لازم أكلي يكون متسبك .
ومحمّرْ بالسَمنه البلدي .
والتسبيكة تخلِّي المعدة تطقْ شرار.

كل دا علشان فيه تار بايت. بيني وبين لحم الجزار
أصلي بحب البط البلدي
يكون متحمر.
ويا الزعتر.
ومعاه سلطة بشطه وبصله
وطرنشاية فلفل حار.

علمني صمتي .. أن عشايا يكون متواضعْ
حاجة خفيفة مش لازم يعني الكافيار

علمني صمتي ..
لما أفكر أعزم واحد
أقعد أحسب حسبة برما.
وأجمع وأطرح وأعمل قسمة
وأضرب نفسي مليون جذمة
وصرمة قديمة
وأفضل ماشي أفكر جامد ليل ونهار
كل دا علشان قلت في سري
أعزم نفسي
أو أعزم واحد علي وجبة ما تكلفش خمسة دولار

علمني صمتي ..
حين افكر لما أحب أروح مشوار
أقعد أبص لبيتنا شوية
علشان مش ضامن ارجع له
وأتامل وأفكر واقعد ف فالآخرأكتب لي وصيه
وادعي لربنا يلطف بيكو ويلطف بيا

علمني صمتي ..
ألا أسبح في عكس التيار
أو أركب موجة تقلب بيا في عرض البحر
أو أمشي ف حارة ملتوية أو شارع سد
اللي بيصرخ مش لاقي حد بيسمع له ولا سامع حد
واللي يهمبك ساعة الجد
واللي يعك تمام ويليس
ولا همه إدارة لا ريس
واللي بيعمل شغله بجد مش لاقي تقدير من حد

علمني صمتي ..
يوم ما يكون ويايا فلوس
ألا أمشي علي رجليا وأركب مشروع السرفيس
فالأتوبيس بيسير بمزاجه
والترماي حاتودي الواحد حتما مستشفي الملاحيس
والعبَّارة علي التلاجة بتاعةْ الميري
والقطارات تتحنط فيها
تركب فيها السبت تلاقي
يوم ما حا توصل فاتت جمعة
وحا توصل علي أي خميس

علمني صمتي ..
كيف أسير علي الطرقات
واتحمل توريم رجليا
والروماتيزم يهدد فيا
و يكسر ف خلايا العظم
ولا أركبْش مواصلة سريعة مهما أتأخر علي مدرستي
وينشوني غياب بالخصم
والكادر يشيلوه متشفي
ولا أطول ربعه ولو بالعضم
ومهما حصل لي
عمري ما ح اركب أي قطار
لكن لازم أروح علي شغلي في وقته
ف مدرسة البيضا الثانوية
والبيضا ف كفر الدوار

علمني صمتي ..
أن أتسكع في الطرقات
ولا يمكن أن أركب توك تك أبداً
مهما حصلي وان شالله ما رحت المشوار
زحمة ومولد ما بينفضش
والسكة مطبات علي كيفك مش عايزه سواق متمرس
لكن عايزه خبير طيار
كل ما أمشي اطب في نقرة
واطلع منها أطب في حفرة
وأفضل ماشي
وياريت لمحة تبين أمتي حا يتم المشوار
لكن وبرغم إللي انا شايفه
لازم أكمل وأفضل ماشي
مها الصمت حايعمل فيا
ومها السكة تطول يكفيني
إني بديت
واللي ابتدا بالفعل حايوصل
مهما أتأخر والليل دايما آخره نهار
فهمي إبراهيم

هههههههههههههههه بجد موضوع جميل وجديد يا مستر ميرسية على المجهود الكبير اللى حضرتك عملتة

------------------

دينا احمد كتب:: هههههههههههههههه بجد موضوع جميل وجديد يا مستر ميرسية على المجهود الكبير اللى حضرتك عملتة

حمدا لله علي سلامتك يادينا
أنت فين من زمان
أشكرك إنك أول واحدة ترد علي هذا الموضوع
مع إنه من مدة
وعايزين نشوف إبداعاتك دايما في المنتدي
تحياتي وتقديري

ههههههههههههههههههههههههه
موضوع جااااااااااااااااااااااااااااااامد استاذ فهمى
مشكوووووووووووووووووووور
اه اه اه اه بطنى بتوجعنى

اوك يا مستر وانا اوعدك ان فى مواضيع كتييير لسة جاية فى السكة

------------------

titoelstohy كتب:: ههههههههههههههههههههههههه
موضوع جااااااااااااااااااااااااااااااامد استاذ فهمى
مشكوووووووووووووووووووور
اه اه اه اه بطنى بتوجعنى

لا حول ولا قوة إلا بالله
يابني أنت مش حمل التسبيكة بتاعتي
مش أي حد يقدر عليها
دا كويس إن بطنك وجعتك لما سمعت عليها بس
أمال بقي لو شفتها كان حا يحصلك إيه
والا ياخبر مالوش لون ولا شعر ولا عنين
لو ذُقْتها كان إيه اللي حايحصل
عموما الحمد لله إنك سمعت عنها بس يابني

مشكووووووووووووووووووووور جدا استاذ فهمى
ومعلش هو تيتو كده عنده ------------ دايما

» قصيده (فى زمن الليل) للشاعر فاروق جويده
» ذهب الليل وطلع الفجر على لسان مسطول يا ترى بيقول ايه؟