بقية رأي الصراصير في أنفلونزا الخنازير

------------------

بقية لموضوع
[ندعوك للتسجيل في المنتدى أو التعريف بنفسك لمعاينة هذا الرابط]
رأي الصراصير في أنفلونزا الخنازير

[ندعوك للتسجيل في المنتدى أو التعريف بنفسك لمعاينة هذا الرابط]

تكملة
[ندعوك للتسجيل في المنتدى أو التعريف بنفسك لمعاينة هذا الرابط]
خرج الصرصار - الذي حاولت قتله
والذي كاد أن يتسبب في قتلي
وقوعا في بلاعة المجاري المكشوفة

جلس الصرصار متكئا علي كلا جناحيه
ربنا يستر أحسن أقع في خطأ في اللغة العربية في كلا وكلتا
فلا أجدد لا الألف أرفع بها المثني
ولا الياء أجرهما بها
وفي النهاية أنا إللي أنجر وأغلط في الإعراب وأبوّظ الدنيا
ويطلعوا عليَّ أساتذة اللغة العربية في مدرستنا يبهدلوني !
ويقولوا لي إنت مالك بكلا وكلتا!!
وأولهم الأستاذ الكبيرعبد الحليم قاسم
عميد مدرسي اللغة العربية
والذي أكن له كل حب وتقدير واحترام
و ربنا يستر أيضا وما يكونش الصرصار له جناحان
اثنان فقط - زي الفراخ –
أحسن الناس كانت تفكر في ذبحه
وياريت علي كده وبس !!
ده كمان حا يبقي له أنفلونزا
ويطلقون عليها انفلونزا الصراصير
تيمُّناً بانفلونزا الفراخ قصدي أنفلونزا الطيور
وتشبها بأنفلونزا الخنازير

علي فكرة أنا دَرسْتُه وشرَّحْتَهُ من زمان
(مش زمان قوي يعني )
أيام كنت طالبا في الثانوية العامة
التي كانت علي أيامنا إحنا
كانت البلاليع أياميها متغطية كوبس
وما فيش ولا بلاعة مسدودة
بس شهادة للتاريخ
المجاري إللي كانت سالكة كانوا بيسبوها
وإللي كانت بتتسد كانوا برضُه بيسبوها

( و يا مجاري في البلد ياما )
و أياميها كان الليمون رخيص !!
ولسه لحد دلوقتي الليمون رخيص برضه !!
مش كده برضُه !! ياعبدُه !!؟؟

جلس الصرصار واضعا ثلاثة أرجله الشمال
علي ثلاثة أرجله اليمين
رافعا إحدى فردتي شاربه وخافضا الأخرى
ثم مارس هوايته في رفع وخفض فردتي شواربه
بالتوازي مرة .. ومرة بالتقابل
وهكذا دواليك
حيث كانت تجلس أمامه صرصارة
كانت خارجة لتوها من البلاعة
ويبدو ياعبدُه إنها كانت قادمة لتبارك زواجه
من الصرصارة إياها
ولم أكن أعلم أنها جاءت لتبارك له علي مواليده الجدد
من الصراصير الصغيرة
التي تشبه في مشيتها حركة الشياطين
ولم أكد ألتفت حتي رأيت مجموعة أخري
قد انضمت إلي مجلسه الموقر
( تعودت أن أقول الموقر عندما أذكر كلمة المجلس )
وإذا به يخاطبهم قائلا :
نحن معشر الصراصير
سيذكر لنا التاريخ إننا لم نتسبب في إصابة البني أدمين
بأي أنفلونزا علي الإطلاق
وهذا شرف كبير لمعشر الصراصير
هزت زوجته جناحيها وشاركتها ضيفتها الجديدة
وما إن رآها صغار الصراصير حتي ارتبك المجلس
فإذا بالصرصار الذي بيني وبينه تار( ثأر يعني )
يباعد بين شاربيه رافعا إياهما فرحا بانشراح الصغار
طالبا منهم سماع بقية الخطبة العصماء
بقية رأي الصراصير في أنفلونزا الخنازير M5znk-fff52798d6

بقية رأي الصراصير في أنفلونزا الخنازير M5znk-fff52798d6

أنزل الصرصار أرجله الثلاثة الشمال من علي الثلاثة اليمين
واعتدل رافعا رأسه في اتجاهي واضعا في حسبانه
مدي ما أكنه له من قرف و اشمئزاز
ولكنه كان مستعدا ومتأهبا للفرار مني
في حالة ما أذا هممت بقتله هو أو ضيوفه أو صغاره
التي تشبه الشياطين
وإذا بضيفته تعتدل وتقول كمل ياصرصار باشا
خلينا نتشفي شوية في البني ادمين
اللي مش فالحين غير يتشطروا بس إلا علي الصراصير
ومش عارفين يتشطروا يا عيني علي أنفلونزا الخنازير
رفع الصرصار رأسه بعزة وشموخ قائلا :
عموما انا حاقول لكم رأي الصراصير في أنفلونزا الخنازير
: الناس مقامات
والمقامات لها إحترام وكلمة مسموعة
ويمكن أن تكون مرئية أيضا
( غالبا ما تكون المقامات علي قدر ما تدفع )
والكبار بتوع البشر- مثلا زي الأمريكان كده -
عندهم مزارع كبيرة جدا وقطعان كتيرة جدا جدا
من الأبقار والأغنام والماعز ( بلاش الحمير )

وعايزين يبيعوها سواء حية أو مذبوحة
يقوموا يخوفوا الناس من انفلونزا الطيور
تقوم الناس ماتاكلش الفراخ وتشتري قطعانهم
وتشتري اللحوم بتاعتهم وتاكلها
وطبعا همه يكسبوا وتكون الفراخ بتاعتهم كبرت
لأنهم أيضا عندهم مزارع دواجن كبيرة جدا
وفراخ كتيرة جدا جدا
وعايزين يبيعوها أيضا

وبعد ما الفراخ بتاعتهم تكبر
يخوفوا الناس من جنون البقر
تقوم الناس ماتاكلش لحوم البقر والجاموس أيضا
وتزهد في اللحوم غصباً واضطراراً لا طواعية
وتشتري الفراخ بتاعتهم وتاكلها
لغاية ما تكون العجول الصغيرة بتاعتهم كبرت
وهكذا دواليك ( عجباني دواليك )

لم أقتنع تما ما برأي الصرصار
ولكني هممت بان أجري وراءه وأقتله
وفي لمح البصر قاد جيشه الجرار وضيوفه الأشرار
نحو البلاعة التي مازلت مفتوحة الفم
استعدادا لأي بني آدم يقع قي غياباتها

وعندما وصل إلي البلاعة
صرخ قائلا بقي بتتشطر عليَّ يافالح !!
عشان باعبر بحرية عن رايي !

أسرعت إليه لأسحقه
ولم أفق إلا علي صيحات الناس
حاسب يا شيخ !! حاسب ياعم !!
كنت حاتقع في البلاعة ! وتموت نفسك
الحمد لله إللي جت سليمة

*****
فهمي إبراهيم

الإسكندرية
*****