كسبت ايه انهارده وخسرت ايه؟؟

طبعا يا جماعه كلنا فى حياتنا اليوميه العاديه بنكسب حاجات سواء صديق فلوس معلومه جديده كده يعنى
وفى نفس الوقت اكيد بنخسر حاجه بس ساعات الخساره بتبقى مكسب يعنى مثلا لو خسرت صديق وحش ومش كويس وسوء اكيد ساعتها مش هتكون خساره دى هتكون مكسب
انا بئه عاوز كل راجل فيكو وكل بنوته تقولنا كسبت ايه انهارده وخسرت ايه
ويارب كلنا نكون كسبانين

هى مش خسارة اوى بس اكتشفت ان واحدة صحبتى اوى مش بتحبنى اد ما انا مبحبها ودى حاجة استفدت منها فا احتمال تبقى مكسب

مظبوط بس مش مهم تكون مبتحبكيش اوى المهم انها متضركيش

لا طبع مينفعش تضرنى انا بس اكتشفت انى من الدرجة التانية عندها وبكدة ارجع كسابق عهدى بدون صديقة

من الجميل ان يكون لك صديق ولكن من الاجمل ان يكون لك ودود

انا انهارة خسرت صديقة بسبب انسان ظلمنى ووقع بنا
وطبعا هى مش مصدقانى حسبى الله ونعم الوكيل

انا كمان انهارده خسرت بس هيا خساره دينيه بسبب تقصير منى وهمه من الشيطان
بس يارب محدش يكتب خساره تانيه عاوزين مكسب بئه مش كله خساره

انا كسبت صاحب وخسرت .............لا لا انا الحمد لله لسه ما خسرتش حد